The World without STRANGERS

Paano nga ba nabuo ang pamagat na “the world without strangers?”. Kumakain ako with my special someone sa isang food chain and then suddenly bigla niyang napansin yung suot kong t- shirt, pinuri niya yung mga salitang nakapaloob dito at biglang sambit na maari daw iyon maging tema sa pasko ng pagbabahagi 8, at ako naman tango ng tango at sumasang ayon sa naisip niya. Pero ang pinaka kahulugan ng pamagat na ito ay ang hindi pagiging mapili sa mga pakikisamahan, pakikisalamahuan. Ibig sabihin nito dapat lagi parin nating isa puso’t isipan na ginawa tayo ng diyos na pantay pantay at wala tayong karapatang humusga ng kapwa natin dahil sa kung ano ang estado nito, sa kulay, ugali o itsura paman nito.

            Noong una kong nalaman na ang mga tamaraw volunteers ay aktib sa pag panhik sa lugar ng sitio malasya upang magturo, tumulong sa komunidad, doon agad akong nabuhayan at biglang na excite, dahil kilala ko ang sarili ko na pagdating sa mga ganoong bagay alam ko na dapat mainvolve din ako sa mga ganong aktibiti ‘di dahil para lang ma experience ito kundi para makakita at tuluyang mabuksan ang aking mga mata at maipaalala sa sarili ko na mayroong mga tao padin ang nangangailangan ng tulong o atensyon para sa ikabubuhay nila. kasi sa henerasyon naming ngayon, kakaunti na lamang ang mga taong may PAKIELAM sa kapwa nila, kakaunti na lang ang mga kabataang katulad ko na may PAKIELAM sa kapwa ko, sa mga nangangailangan ng suporta at atensyon. Kahit hirap na hirap ako umisip ng paraan para lang makasama at mapayagan kahit alam kong hindi na agad sila papaya kapag sumubok ako ang inisip ko na lamang ay ang pagtakas. Inisip ko na ano ba naman ang isang pagtakas at isang sermunan sa pagtulong sa mga kabataan ng ilang komunidad sa sitio malasya na kung saan ay kailangang kailangan ng atensyon at tulong.

            Ang hindi matatawarang kaganapang ito sa aking buhay ay maibabaon ko hanggang sa aking pagtanda, sa simpleng pagsasakripisyo sa sariling kaartehan na kung saan nakapagdulot ng di matatawarang ngiti na ipinakita ng mga kabataan sa malasya ang nag aalis ng pagod sa pagtawid sa apat na bundok, dalawang ilog at isang tulay. Masasabi kong hindi pa ito ang una at huli kong pakikisama sakanila. Minsan sa ating buhay kailangan nating gumawa ng bagay o gawin ang mga bagay na hindi pa natin nagagawa kahit ano pa ang maging kapalit nito, dahil naniniwala akong masasabi mong nabubuhay ka kapag nakagawa ka ng mga bagay na hindi mo pa nagagawa noon at nagdulot sayo ng pagbabago masama man o hindi, dahil sa pamamaraan o sa mga pangyayaring iyon doon mo mas lalong na aappreciate ang buhay mo.

Mayroon akong hinandang tula na maghahayag kung ano ang aking naramdaman pagkatapos naming pumanhik at sa aming pagbaba.

“Apat na bundok, dalawang ilog at isang tulay”

Apat na bundok, dalawang ilog at isang tulay papuntang malasya

            Apat na bundok, dalawang ilog at isang tulay buhay na Malaya

            Apat na bundok, dalawang ilog at isang tulay salubong sayo’y ngiting wagas

            Apat na bundok, dalawang ilog at isang tulay salubong sayo’y handang sopas

            Apat na bundok, dalawang ilog at isang tulay maraming komunidad ang natulungan

            Apat na bundok, dalawang ilog at isang tulay puro bahay kubo ang tirahan

            Apat na bundok, dalawang ilog at isang tulay kawalan ng kuryente’y ‘di ikamamatay

            Apat na bundok, dalawang ilog at isang tulay kuntento sa kanilang pamumuhay

            Apat na bundok, dalawang ilog at isang tulay kakaunting sakripisyong naibigay

            Apat na bundok, dalawang ilog at isang tulay sobrang kasiyahan ang naibigay

            Apat na bundok, dalawang ilog at isang tulay kasiyahang ‘di malilimutan

            Apat na bundok, dalawang ilog at isang tulay hanggang sa pagtanda’y ‘di makakalimutan

            Apat na bundok, dalawang ilog at isang tulay ala-alang kailanman ay babaunin

            Apat na bundok, dalawang ilog at isang tulay makaka asang ito muli ay gagawin

            Apat na bundok, dalawang ilog at isang tulay kabataang walang pinipiling tulungan

            Apat na bundok, dalawang ilog at isang tulay karapat dapat na parangalan.

By: Wilfred Villanueva 

Disclaimer: We got the permission to post this online from its author